Liebi Lättguuger-Frönde

 

Guggemusikprobe hend gstartet, es god weder los,

met de Jana us nöiem Tambi, das werd grandios.

Öise Präsidänt de Noah ganz neu im Amt,

macht das met Härzbluet ganz charmant.

Am Näie ond Bastle semmer scho dra,

bes d’Fasnacht chond, esch alles parat.

De erst Uftrett am 15.11.25 ade Gronzerparty chond nöcher

d’Vorfröid werd emmer höcher.

Im Stöbli ade Warm-up & Silvester Party es Raclette,

chom doch ou das werd ganz nett.

Nochär s’Tanzbei schwenge ond es Bierli ade Bar,

so startet mer doch gärn ist nöie Jahr.

Wettisch du üs Lättguuger onderstötze ond met üs onderwägs si?

aus Gönner besch scho ab 25.- debi.

Deför geds e Plakette ond es Gönnerapéro, was wotsch no meh,

mer fröied üs jetzt scho, dech a üsne Uftrett z’gse.

Tschüss ond bes bald!

 

Lättguuger Winikon